Aşgabatda daşary ýurtlulardan kireýine alýan jaýyndan çykyp, myhmanhana göçmek talap edilýär

Aşgabadyň häkimiýetleri hususy jaýlaryny kireýine berýän raýatlardan daşary ýurt firmalarynyň işgärlerini öz jaýlaryndan çykarmagy talap edýärler. Resmiler bu talabyň sebäplerini anyk düşündirmän, daşary ýurtlularyň myhmanhanalara ýerleşdirilmelidigini aýdýarlar. Bu ýagdaýlaryň jikme-jikleri barada Azatlyk Radiosynyň habarçysy 9-njy dekabrda Aşgabatdan habar berdi.